Çinin cənub-qərbindəki Sıçuan əyalətində 5,1 bal gücündə zəlzələ baş verib.
APA xəbər verir ki, bu barədə Çin Seysmoloji Mərkəzi məlumat yayıb.
Zəlzələ yerli vaxtla saat 00:05-də (Bakı vaxtı ilə 20:05-də) qeydə alınıb. Zəlzələnin episentri əyalətin paytaxtı Çendu şəhərinin Sinbaytszyan bölgəsində, ocağı isə 21 km dərinlikdə yerləşib.
Əhalisinin sayı 16,33 milyon nəfər olan Çendu şəhərində dağıntılar və tələfat barədə məlumat verilməyib.