“Türkiyə yeni növ koronavirusdan ölüm sayına görə 1 milyona düşən 57 ölüm faktı ilə 47-ci yerdədir, xəstəliyə yoluxma sayına görə isə bir milyona düşən 2151 yoluxma ilə 51-ci yerdədir”.
APA-nın yerli bürosunun xəbərinə görə, bunu Türkiyənin Səhiyyə naziri Fəxrəddin Qoca yeni növ koronavirusla (COVID-19) mübarizə tədbirlərilə bağlı yaradılan Elm Qurumunun toplantısından sonra bildirib.
Nazir deyib ki, Türkiyə ümumilikdə xəstəliyə yoluxma sayına görə 2,67%-lə 81-ci yerdədir. Nazir son bir ayda, son bir həftə və son 3 gündə Türkiyənin şəhərləri üzrə infeksiyaya yoluxma və ölüm saylarını açıqlayıb və müqayisələr apararaq deyib ki, ən çox vəfat sayına Gümüşhanə, ən az ölüm halına isə Kilis bölgəsində rast gəlinib.
Nazir bildirib ki, İstanbul, Ankara və Bursa şəhərlərində maskadan istifadə məcburiyyəti Elm Qurumunun son toplantısında tövsiyə edilib, amma qarşıdakı günlərdə həftəsonu karantin rejiminin tətbiq olunması qurumda müzakirə olunmayıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
