Ümumdünya Səhiyyə Təşkilatının (ÜST) iki əməkdaşı COVID-19 virusuna yoluxub.
APA-nın "RİA Novosti"yə istinadən verdiyi xəbərə görə, bu barədə ÜST-ün mətbuat xidmətinin rəhbəri Kristian Lindmayer deyib.
"ÜST-ün iki əməkdaşının COVID-19-a yoluxduğu təsdiqlənib. Onlarda yoluxma halı martın 12 və 13-də bəlli olub", - deyə o bildirib.
K. Lindmayer qeyd edib ki, koronavirusa yoluxan şəxslər təcrid olunub və onların əlaqə saxladığı şəxslər müəyyənləşdirilib yoxlanılır.
Xatırladaq ki, martın 11-də ÜST COVID-19-u pandemiya elan edib. Dünyanın 150-dən çox ölkəsində 160 mindən çox insan artıq bu virusa yoluxub, yoluxanların əksəriyyəti sağalıb, virusa yoluxmuş 6 mindən çox insna vəfat edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
