Avropa

Ana səhifə

Avropa

Rauf Denktaş Ergenekonla bağlı istintaqa cəlb ediləcəyini gözlədiyini deyib

21 fevral 2009 21:39 (UTC +04:00)

APA-nın Türkiyə KİV-nə istinadən verdiyi xəbərə görə, o bildirib ki, Türkiyədə Kıbrısla bağlı mübarizəni davam etdirməyin tərəfdarı olduğu üçün Ergenekon məsələsində ittiham olunacağı gözləniləndir: “Amma məni bunlarla susdura bilməzlər. Türkiyədə “Ergenekon işi” adı ilə dünyəviliyin təhlükədə olduğunu, bu ölkənin bir yerlərə götürüldüyünü üzüntüylə izləməkdəyik. Müəyyən şübhələrlə həbsə alınan adamlar “ sən içəridə qal, mən əleyhinə dəlil axtarıram, tapanda əleyhinə istifadə edəcəyəm” deyir kimi həbsdə saxlayırlar”.

Denktaş bildirib ki, Türkiyə qəzetlərinin birindən ona zəng vuraraq, “Ergenekon işi”ndə adı keçən bir qadınla telefon danışıqlarının olduğunun üzə çıxdığını soruşublar. R. Denktaş isə bildirib ki, o hamı ilə görüşə bilər: “Lakin mən həmin dövrdəki görüş dəftərimi də araşdırdım. Belə bir qadın tanımıram və belə görüşüm də olmayıb”.

R. Denktaş özünün və Türk Müqavimət Təşkilatının adının “Ergenekon işi”ndə hallandırılacağı təqdirdə, vəziyyətin ürəkaçan olmayacağı barədə də xəbərdarlıq edib: “Bu milli dirəniş təşkilatını kirlətməyə qalxmasınlar, bütün Kıbrıs türklərini qarşılarında görərlər”.