Ankarada kimyəvi maddələr istehsal edən fabrikdə yanğın baş verib.
APA-nın yerli bürosunun xəbərinə görə, yanğın nəticəsində şəhərin Yeni mahalle rayonunda qatı və gözyaşardıcı tüstü yaranıb.
Fabrikin yaxınlığındakı biznes mərkəzi qəzanın təsirindən ziyana məruz qalıb. Yanğın nəticəsində ölən və yaralananlar olmasa da, 10-dan çox şəxs tüstüdən təsirlənərək zərər görüb.
Hadisə yerinə çox sayda xilasedicilər cəlb olunub.