“Türkiyə, Gürcüstan və Azərbaycan regionda eyni taleyi yaşayır və bu üç ölkənin güclü bağları var, bu çərçivədə bizim təqdirəlayiq əməkdaşlığımız, dostluğumuz mövcuddur”.
APA-nın yerli bürosunun xəbərinə görə, bunu Ankarada səfərdə olan Gürcüstanın Baş naziri İrakli Qaribaşvili Türkiyə Prezidenti Rəcəb Tayyib Ərdoğanla təkbətək və heyətlərarası görüşündən sonra keçirilən mətbuat konfransında bildirib. İ.Qaribaşvili bu baxımdan ikitərəfli və üçtərəfli formatların inkişaf etdirilməsi istiqamətində müzakirələrin aparıldığını vurğulayıb.
Regiondakı mövcud durumla, işğal altındakı torpaqlarla bağlı Türkiyə liderilə müzakirələr aparıldığını deyən Baş nazir regiondakı münaqişənin həlli üçün sülhdən başqa alternativ yol olmadığı qənaətini paylaşıb.
“Bu görüşün ölkələrimiz üçün böyük əhəmiyyəti olacağını düşünürəm”, deyən İ.Qaribaşvili Türkiyənin Gürcüstanın suverenliyini və ərazi bütövlüyünü dəstəkləməsinə görə də xüsusis təşəkkür edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
