Serbiyanın Pirot şəhəri yaxınlığında miqrantları daşıyan avtobus aşıb.
APA “Tanjug” portalına istinadən xəbər verir ki, qəza nəticəsində 2 nəfər ölüb, 20 nəfər ağır xəsarətlərlə xəstəxanaya yerləşdirilib.
Yaralıların əksəriyyəti azyaşlılardır.
Faktla bağlı cinayət işi başlanıb.
Pirot polisi avtobus sürücüsünü həbs edib.
Hüquq-mühafizə orqanlarından bildirilib ki, sürücü sürət həddini pozaraq işıq dirəyinə çırpılıb. Zərbənin gücündən avtobus aşıb.