Şimali Makedoniyanın Tetovo şəhərində koronavirus xəstələrinin müalicə olunduğu xəstəxanada baş vermiş yanğın nəticəsində azı 10 nəfər ölüb.
APA TASS-a istinadən xəbər verir ki, bu barədə ölkənin səhiyyə naziri Venko Filipçe şəxsi “Twitter” səhifəsində yazıb.
“Hazırda yanğında 10 nəfərin öldüyü təsdiqlənib, lakin bu rəqəm arta bilər”, - deyə Filipçe bildirib. Nazir, həmçinin ölənlərin ailələrinə başsağlığı verib.
Bundan bir qədər əvvəl Filipçe bildirmişdi ki, “yanğın artıq söndürülüb, zərərçəkənlərə yardım göstərmək üçün bütün təcili tibbi yardım qrupları səfərbər edilib”.