Bir qrup mətbuat nümayəndəsi Prezident İlham Əliyevin aprelin 26-da səfər etdiyi marşrut üzrə təşkil olunmuş media-tur çərçivəsində Zəngilan-Horadiz avtomobil yolunun inşa ediləcəyi ərazidə olublar.
APA-nın əməkdaşı xəbər verir ki, ərazinin mina və partlamamış hərbi sursatlardan təmizlənməsi davam edir, eyni zamanda torpaq işləri aparılır.
Jurnalistlərə məlumat verilib ki, yolun ümumi uzunluğu 124 kilometrdir. Yol 6 zolaqdan ibarət olacaq. İşğaldan azad edilmiş rayon və kəndlərin sosial-iqtisadi inkişafında çox mühüm rol oynaması baxımından Zəngilan-Horadiz avtomobil yolu strateji əhəmiyyəti ilə seçilir.
Qeyd edək ki, Prezident İlham Əliyev aprelin 26-da Zəngilan-Horadiz avtomobil yolunun təməlini qoyub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
