ABŞ dövlət katibinin siyasi və hərbi məsələlər üzrə müşavirinin köməkçisi Maykl Kotler ANAMA rəhbərliyi ilə görüşüb
12 fevral 2007 15:42 (UTC +04:00)
Azərbaycanda səfərdə olan ABŞ dövlət katibinin siyasi və hərbi məsələlər üzrə müşavirinin köməkçisi Maykl Kotler Azırbaycanda Minaların Təmizlənməsi üzrə Milli Agentliyin (ANAMA) nümayəndələri ilə görüşüb. APA-nın məlumatına görə, görüşdə ANAMA rəhbəri Nazim İsmayılov təşkilatın fəaliyyəti haqqında qonaqlara məlumat verib. Daha sonra görüşdə ANAMA-nın fəaliyyətindən bəhs edən film nümayiş etdirilib. Maykl Kotler Azərbaycana səfərinin əsas məqsədinin Azərbaycanla ABŞ arasında strateji əməkdaşlıq məsələlərinin müzakirəsi olduğunu deyib. O, ANAMA-nın fəaliyyətindən razılıq edib. Nazim İsmayılov ANAMA-nın büdcəsinin 80 faizinin ABŞ hökumətinin ayırdığı yardım hesabına formalaşdığını, Vaşinqtonun bu təşkilata həmişə köməklik etdiyini deyib. Onun sözlərinə görə, 2008-ci ildə ildə ANAMA 6 milyon kvadratmetr ərazidə minalardan təmizləmə işi aparmağı planlaşdırır. Azərbaycanla ABŞ arasında əməkdaşlığın yüksək səviyyədə olduğunu deyən ANAMA rəhbəri dünyanın müxtəlif ölkələrində, o cümlədən Əfqanıstanda minatəmizləmə əməliyyatlarında ABŞ-a yardım göstərməyə hazır olduğunu deyib. O, müxtəlif ölkələrdə minatəmizləmə əməliyyatlarında iştirak edən şəxslərə ANAMA-nın təlim mərkəzlərində treninqlər keçə biləcəklərini deyib. /APA/
Daxili siyasət
Dəmiryol nəqliyyatı təyinatlı torpaqların sərhədləri dövlət torpaq kadastrına daxil ediləcək
15:54
26 aprel 2024
Mərkəzi icra hakimiyyəti orqanları rəhbərlərinin vətəndaş qəbulu CƏDVƏLİ
09:31
26 aprel 2024
PA Vətəndaş Qəbulu Mərkəzində mayda vətəndaşların qəbulu cədvəli açıqlanıb
18:04
25 aprel 2024
Naxçıvanın Baş naziri işdən azad olunub, yeni Baş nazir təyin edilib
11:50
25 aprel 2024