“Barselona”nın kapitanı Lionel Messinin taleyinə aydınlıq gəlib.
Apasport.az xəbər verir ki, Kataloniya klubu argentinalı superulduzla yeni müqavilə imzalanmayacağını bəyan edib.
Bir müddət əvvəl klubla yeni 5 illik müqavilə imzalanması xəbəri yayılan 34 yaşlı futbolçu ilə yollar rəsmən ayrılıb.
Onun karyerasını PSJ və ya “Mançester Siti”də davam etdirməsi gözlənilir.
Qeyd edək ki, “Barselona” akademiyasının yetirməsi olan Lionel Messi 2004-cü ildən əsas komandada çıxış edib. Leo Kataloniya klubunun heyətində keçirdiyi 778 oyunda 672 qol vurub, 305 məhsuldar ötürmə verib, 35 kubok qazanıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
