“Bugünkü oyunda özümüzü ən yaxşı tərəfdən göstərmək istədik”.
Apasport.az saytının məlumatına görə, bunu “Omoniya”nın futbolçusu Xaralampos Xaralampous deyib.
O, Konfrans Liqasının qrup mərhələsinin V turunda “Qarabağ”la keçirilən oyundan sonra mətbuat konfransına qatılıb.
Karalambus 2:2 hesabı ilə başa çatan qarşılaşmanı bu cür dəyərləndirib: “Birinci hissədə hesabda önə keçdik. Ancaq fasilədən dərhal sonra qol buraxdıq, meydanda azlıqda qaldıq. Hesabda geri düşsək də, gözəl qolla bərabərliyi bərpa etdik. Heç-heçəyə layiq idik”.
O bildirib ki, “Bazel”lə oyun da daxil olmaqla, “Qarabağ”la bugünkü matçları ən çətin oyunlardan idi: “Qarabağ”ın bugünkü çıxışı bir az üstün idi”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
