“Belə anlarda başqa heç nə haqda düşünmürsən. Mən Kristiana tez və tam bərpa olunmasını arzulayıram”.
Apasport.az saytının məlumatına görə, bunu UEFA prezidenti Aleksander Çeferin deyib.
Sloveniyalı funksioner AVRO-2020-nin Danimarka – Finlandiya oyununda huşunu itirərək yerə yıxılan Kristian Eriksenə və ailəsinə dəstək olub: “Allahdan onun ailəsinə inam və güc diləyirəm. Belə anlarda futbol ailəsinin birləşməsi xüsusi güclü olur. Hamı Kristiana və ailəsinə öz arzularını çatdırır. Futbol gözəldir və Kristian də onu gözəl oynayır”.