İtaliya A seriyasına ilk vəsiqənin sahibi müəyyənləşib.
Apasport.az saytının məlumatına görə, “Benevento” yenidən güclülər liqasında çıxış edəcək.
Filippo İnzaqinin baş məşqçisi olduğu komanda bu hüquqa XXXI turda yiyələnib. “Yuve Stabiya”ya 1:0 hesabı ilə qalib gələn Beneventonun eyniadlı təmsilçisi xal hesabını 76-ya çatdırıb. Bununla da ən yaxın izləyicisi “Krotone”dən 24 xal uzaqlaşan İnzaqinin yetirmələri həm 1-ci yeri, həm A seriyasına vəsiqəni sona 7 tur qalmış təmin ediblər.
Qeyd edək ki, tarixində ikinci dəfə A seriyasında oynayacaq “Benevento” 2017/18 mövsümündəki debütündə sonuncu yeri tutaraq yenidən aşağı dəstəyə yuvarlanıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
