İmişlidə minik avtomobilləri toqquşub, sürücülərdən biri xəsarət alıb.
APA-nın Mil-Muğan bürosunun məlumatına görə, yol-nəqliyyat hadisəsi rayonun Sarxanlı kəndi ərazisində baş verib.
“VAZ 2107” markalı avtomobillə “VAZ 2106” markalı avtomobil toqquşub. Nəticədə “VAZ 2107” markalı avtomobilin sürücüsü, Sarxanlı kənd sakini, 1993-cü il təvəllüdlü Camalzadə Xəzri İkram oğlu sınıq xəsarətləri ilə Şirvan Şəhər Mərkəzi Xəstəxanasının travmatologiya şöbəsinə yerləşdirilib.
Faktla bağlı araşdırma aparılır.