Salyanda Kür çayından meyiti tapılan şəxsin kimliyi müəyyən edilib.
APA-nın Mil-Muğan bürosunun məlumatına görə, bu gün səhər saatlarında Kür çayında, Salyan şəhindəki körpünün yaxınlığında meyiti tapılan şəxs rayon sakini, 2001-ci il təvəllüdlü Nəcəfov Murad Əsəd oğludur. Meyitin xarici müayinəsi zamanı üzərində zorakılıq əlamətləri aşkar olunmayıb.
Faktla bağlı araşdırma gedir.
***
09.36
Fövqəladə Hallar Nazirliyinin (FHN) Böhran Vəziyyətlərində İdarəetmə Mərkəzinə Kür çayının Salyan rayonundan keçən hissəsində aşkarlanan naməlum kişi meyitinin çıxarılmasına köməklik göstərilməsi üçün müraciət daxil olub.
APA-nın nazirliyin saytına istinadən verdiyi məlumata görƏ, müraciətlə əlaqədar FHN-nin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu əraziyə cəlb olunub. Həyata keçirilən tədbirlər nəticəsində meyit çaydan çıxarılaraq aidiyyəti üzrə təhvil verilib.
***
08.00
Bu gün səhər saatlarında Kür çayında Salyan şəhərində körpünün yaxınlığında təxminən 25-30 yaşlarında kişi meyiti tapılıb.
APA-nın Mil-Muğan bürosunun məlumatına görə, meyit çaydan çıxarılaraq Salyan morquna təhvil verilib.
Meyitin kimə məxsus olduğu və həmin şəxsin hansı şəraitdə öldüyü istintaq tərəfindən araşdırılır.
Faktla bağlı araşdırma gedir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
