Sentyabrın 7-si axşam saatlarında Şəki şəhəri Salman Mümtaz küçəsində müəyyən edilməmiş avtomobillə yolu keçən piyada Vüqar Süleymanov vurulub və o, aldığı xəsarətlərdən ölüb.
DİN-in Mətbuat Xidmətinin Şəki regional qrupundan APA-ya verilən məlumata görə, Şəki Şəhər Rayon Polis Şöbəsinin əməkdaşları tərəfindən keçirilən əməliyyat-axtarış tədbirləri nəticəsində qəzanı törədərək hadisə yerindən yayınmaqda şübhəli bilinən “QAZ-3110” markalı avtomobilin sürücüsü, əvvəllər də məhkum olunmuş Xəyyam Yusubov müəyyən edilərək saxlanılıb.
Faktla bağlı cinayət işi başlanılıb, istintaq aparılır.
***
7 sentyabr, saat 22:57
Bu gün axşam saat 21:30-da Şəki şəhəri Salman Mümtaz küçəsində hələki şəxsiyyəti müəyyən edilməyən piyada avtomobil tərəfindən vurulub.
O, aldığı xəsarətlərdən hadisə yerində ölüb. Piyadanı vuran avtomobil hadisə yerindən yayınıb.
Əraziyə hüquq-mühafizə orqanlarının əməkdaşları cəlb edilib. Piyadanın kimliyi dəqiqləşdirilir və onu vuran sürücü axtarılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
