Yevlax-Zaqatala-Gürcüstan sərhəd magistiral yolunun 32-ci kilometrliyində, Şəki rayonu Suçma kəndi ərazisindən keçən hissəsində yol qəzası baş verib.
APA-nın şimal-qərb bürosunun məlumatına görə, "Toyota Prado" markalı minik avtomobili Şəki rayonu Dərəcənnət kənd sakini, 1968-ci il təvəllüdlü Elman Məmmədovun idarə etdiyi traktoru arxadan vurub.
Qəza zamanı traktorun sürücüsü E.Məmmədov və tarktorda olan sürücünün həyat yoldaşı 1975-ci il təvəllüdlü Məhəbbət Məmmədova aldıqları müxtəlif dərəcəli bədən xəsarətləri ilə Şəki Rayon Mərkəzi Xəstəxanasına yerləşdiriliblər.
Onların vəziyyətinin qənaətbəxş olduğu bildirilir.
Faktla bağlı araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
