Ucarda xəsarətlə nəticələnən yol qəzası baş verib.
APA-nın yerli bürosunun xəbərinə görə, hadisə bu gün axsam saatlarında Ucar-Zərdab yolunun Ucar rayonunun Qazyan kəndindən keçən hissəsində qeydə alınıb.
Ucar rayonunun Lək kənd sakini, 1983-cü il təvəllüdlü Pərviz Əmirxan oğlu Cəbrayılov idarə etdiyi "VAZ 2107" markalı minik maşını ilə qarşısına çıxan 3 iribuynuzlu heyvanını vurub. Nəticədə P.Cəbrayılov müxtəlif xəsarətlərlə Ucar Mərkəzi Rayon Xəstəxanasına yerləşdirilib.
Fakt araşdırılır.