Xocavənddə ermənilərin minaladığı ərazilərdə yanğın olub, helikopterlər cəlb edilib - VİDEO

Xocavənddə ermənilərin minaladığı ərazilərdə yanğın olub, helikopterlər cəlb edilib - <span class="red_color">VİDEO

© APA | Xocavənddə ermənilərin minaladığı ərazilərdə yanğın olub

# 17 iyul 2021 11:47 (UTC +04:00)

Fövqəladə Hallar Nazirliyinin “112” qaynar telefon xəttinə Xocavənd rayonunun Edilli kəndi yaxınlığında düşmən tərəfindən minalanmış mürəkkəb relyefli dağlıq ərazidəki açıq sahədə və qismən meşə zolağında yanğın baş verməsi barədə məlumat daxil olub.

Nazirlikdən APA-ya bildirilib ki, məlumat əsasında Nazirliyin müvafiq qüvvələri dərhal yanğın baş vermiş əraziyə cəlb olunub.

Təhlükəsizlik tədbirləri nəzərə alınmaqla Nazirliyin Dövlət Yanğından Mühafizə Xidmətinin yanğından mühafizə bölmələrinin səyi ilə yanğının bilavasitə Edilli kəndinə keçməsinin qarşısı alınıb, habelə kommunikasiya xətləri yanğından mühafizə olunub.

Fövqəladə Hallar Nazirliyinin Aviasiya dəstəsinin iki ədəd helikopteri də cəlb olunmaqla baş vermiş yanğın söndürülərək sıx meşəlik əraziyə keçməsinin qarşısı alınıb.

© APA | Xocavənddə yanğın olub, iki helikopter cəlb olunub

#
#

ƏMƏLİYYAT İCRA OLUNUR