Böyük Britaniyanın Azərbaycandakı səfirliyi texnologiya sahəsində Britaniyanın ən qabaqcıl təcrübəsini bölüşmək üçün çalışır.
Səfirlikdən "APA-Economics"ə verilən məlumata görə, bunu Britaniyanın Beynəlxalq Ticarət Departamentinin İxracat üzrə naziri Qrem Stüart (Graham Stuart) səfirliyin ticarət şöbəsinin təşkil etdiyi İKT sahəsində bazar araşdırmaları nəticələrinin təqdimatında çıxış edərək deyib.
O bildirib ki, COVID19-a baxmayaraq, Britaniya hər növ texnologiya sahəsində dünyanın aparıcı mərkəzlərindən biri olaraq liderliyini qoruyur: "Bilirəm ki, Azərbaycanda İKT qeyri-neft iqtisadiyyatının aparıcı qüvvələrindən biri hesab olunur".