Artıq bu il Azərbaycanda poçt şöbələri bank-maliyyə xidmətləri göstərməyə başlaya bilər
18 sentyabr 2008 09:41 (UTC +04:00)
Bakı. İlhamə İsabalayeva – APA-Economics. Dünya Bankının (DB) Azərbaycanda həyata keçirdiyi «Maliyyə xidmətlərinin inkişafı Layihəsi» çərçivəsində 2008-ci ilin sonu-2009-cu ilin əvvəlində Bakı və Sumqayıt şəhərlərində yerləşən poçt şöbələrində bank-maliyyə xidmətlərinin göstərilməsinə başlanacaq.
Azərbaycan Rabitə və İnformasiya Texnologiyaları Nazirliyinin «Azərpoçt» Dövlət Müəssisəsindən «APA-Economics»ə verilən məlumata görə, Bakı və Sumqayıt şəhərlərində yerləşən bütün poçt şöbələrinin yeni sistemə qoşulması nəzərdə tutulsa da, bu qoşulma mərhələli şəkildə həyata keçiriləcək. Poçt şöbələri layihə çərçivəsində kreditlər istisna olmaqla, digər poçt-maliyyə, o cümlədən depozit xidmətləri göstərəcək.
Poçt şöbələrinin kredit xidmətləri göstərməsinə gəldikdə, «Azətpoçt»dan bildirilib ki, hələlik bununla bağlı hər hansı plan mövcud deyil. Lakin müəyyən təcrübə əldə edildikdən sonra bu məsələyə də baxıla bilər.
Poçt şöbələrinin bank-maliyyə xidmətləri göstərə bilməsi məqsədilə «Poçt rabitəsi haqqında» qanuna dəyişikliklərin edilməsini nəzərdə tutan təkliflər Milli Məclisin müzakirəsinə çıxarılmaq üçün Prezidentin İcra Aparatına təqdim olunub. Bu təkliflər qəbul edildikdən sonra Milli Bank poçt şöbələrinin bank-maliyyə xidmətlərinin göstərə bilməsi üçün lisenziyanın verilməsi məsələsinə baxacaq.
Xatırladaq ki, 2005-ci ilin mayın 24-də imzalanan və həmin ilin oktyabrın 14-dən qüvvəyə minən «Maliyyə xidmətlərinin inkişafı Layihəsi»nin ümumi dəyəri 17,5 mln. ABŞ dollarıdır. Bunun 12,5 mln. dollarını DB Azərbaycana kredit kimi ayırıb, qalan 5 mln. dollar isə Azərbaycan hökuməti tərəfindən maliyyələşdirilir.
Qeyd edək ki, hazırda Azərbaycanda 65 poçt filialı, 1600-ə yaxın poçt şöbəsi var.
Azərbaycan Rabitə və İnformasiya Texnologiyaları Nazirliyinin «Azərpoçt» Dövlət Müəssisəsindən «APA-Economics»ə verilən məlumata görə, Bakı və Sumqayıt şəhərlərində yerləşən bütün poçt şöbələrinin yeni sistemə qoşulması nəzərdə tutulsa da, bu qoşulma mərhələli şəkildə həyata keçiriləcək. Poçt şöbələri layihə çərçivəsində kreditlər istisna olmaqla, digər poçt-maliyyə, o cümlədən depozit xidmətləri göstərəcək.
Poçt şöbələrinin kredit xidmətləri göstərməsinə gəldikdə, «Azətpoçt»dan bildirilib ki, hələlik bununla bağlı hər hansı plan mövcud deyil. Lakin müəyyən təcrübə əldə edildikdən sonra bu məsələyə də baxıla bilər.
Poçt şöbələrinin bank-maliyyə xidmətləri göstərə bilməsi məqsədilə «Poçt rabitəsi haqqında» qanuna dəyişikliklərin edilməsini nəzərdə tutan təkliflər Milli Məclisin müzakirəsinə çıxarılmaq üçün Prezidentin İcra Aparatına təqdim olunub. Bu təkliflər qəbul edildikdən sonra Milli Bank poçt şöbələrinin bank-maliyyə xidmətlərinin göstərə bilməsi üçün lisenziyanın verilməsi məsələsinə baxacaq.
Xatırladaq ki, 2005-ci ilin mayın 24-də imzalanan və həmin ilin oktyabrın 14-dən qüvvəyə minən «Maliyyə xidmətlərinin inkişafı Layihəsi»nin ümumi dəyəri 17,5 mln. ABŞ dollarıdır. Bunun 12,5 mln. dollarını DB Azərbaycana kredit kimi ayırıb, qalan 5 mln. dollar isə Azərbaycan hökuməti tərəfindən maliyyələşdirilir.
Qeyd edək ki, hazırda Azərbaycanda 65 poçt filialı, 1600-ə yaxın poçt şöbəsi var.
Maliyyə
Rabitəbank rəhbərliyi ABŞ-da işgüzar səfərdə olub
21:34
26 aprel 2024
ABB ABŞ-yə ilk bankçılıq missiyasında iştirak edib
15:26
26 aprel 2024
Azərbaycanda istehlak kreditləri üzrə orta faiz dərəcələri açıqlanıb
15:13
26 aprel 2024
Azərbaycan 2.3 mlrd. dollarlıq 22 layihə ilə bağlı tərəfdaşlarla aparır
14:59
26 aprel 2024