Maliyyə

Ana səhifə

Maliyyə

500 min manatdan artıq transferlər barədə arayış təqdim etməyənlər 2000 manat cərimələnəcək

03 noyabr 2021 11:27 (UTC +04:00)

Transfer qiymətləri əsas götürülməklə ümumi dəyəri 500 000 manatdan artıq olan əməliyyatlara dair müvafiq arayışı vaxtında təqdim etməyən və ya təhrif edilməklə təqdim edən şəxslərə tətbiq edilən maliyyə sanksiyasının məbləği 4 dəfə artırılır.
APA-nın məlumatına görə, bu, Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında müzakirəyə çıxarılan Vergi Məcəlləsinə təklif edilən dəyişiklikdə əksini tapıb.
Layihəyə əsasən, transfer qiymətləri əsas götürülməklə ümumi dəyəri 500 000 manatdan artıq olan əməliyyatlara dair müvafiq arayışı vaxtında təqdim etməyən və ya təhrif edilməklə təqdim edən şəxslərə tətbiq edilən maliyyə sanksiyasının məbləğinin 500 manatdan 2000 manata qaldırılması təklif olunur.