Maliyyə

Ana səhifə

Maliyyə

İdman mərc oyunları ilə bağlı hüquqi şəxsin akkreditasiyası üçün 2000 manat dövlət rüsumu tutulacaq

03 dekabr 2021 11:50 (UTC +04:00)

İdman mərc oyunlarının həyata keçirilməsi məqsədilə hüquqi şəxsin akkreditasiyası haqqında qərarın verilməsinə görə dövlət rüsumu tutulacaq.

APA-nın məlumatına görə, bu, Milli Məclisin bu gün keçirilən iclasında üçüncü oxunuşda müzakirəyə çıxarılan “Bədən tərbiyəsi və idman haqqında” qanuna təklif edilən dəyişiklikdə əksini tapıb.

Rüsumların məbləği “Dövlət rüsumu haqqında” qanunla müəyyən edilmiş məbləğdə olacaq. “Dövlət rüsumu haqqında” qanuna əlavə edilən yeni - 18.75-ci maddəyə əsasən, idman mərc oyunlarının həyata keçirilməsi məqsədi ilə hüquqi şəxsin akkreditasiyası haqqında qərarın verilməsinə görə 2000 manat dövlət rüsumu tutulacaq.

Qanun layihəsi səsə qoyularaq qəbul edilib.