"Rabitəbank" ilin I rübünü 3,5 mln. manat mənfəətlə başa vurub - FOTO

"Rabitəbank" ilin I rübünü 3,5 mln. manat mənfəətlə başa vurub - <span class=FOTO'>
# 20 aprel 2021 11:56 (UTC +04:00)

Azərbaycanın aparıcı banklarından olan “Rabitəbank” 2021-ci ilin ilk rübü üzrə maliyyə göstəricilərini açıqlayıb.

Açıqlanan rəqəmlərə əsasən cari ilin birinci rübündə dinamik inkişafa davam edən bank bütün mühüm maliyyə göstəricilərində artım nümayiş etdirib.

“Rabitəbank” ASC İdarə Heyətinin sədri Elçin Qədimov 2021-ci ilin ilk rübünü müsbət qiymətləndirib: “İlin ilk rübünü uğurlu dəyərləndiririk. Əsas maliyyə göstəricilərində gözləntilərimizdən daha yüksək artım müşahidə olunur. Bankımız ilin ilk rübünü 3,5 mln. manat mənfəətlə başa çatdırıb və iş günləri sayının az olmasına baxmayaraq 18,6 mln. manat məbləğində bu günə kimi olan ən yüksək rüblük gəlir əldə edilib”.

Belə ki, 31 mart 2021-ci il tarixinə bankın xalis mənfəəti 3,5 mln manat təşkil edib ki, bu da keçən ilin analoji dövri ilə müqayisədə 59% çoxdur. Digər əsas göstərici isə bankın kredit portfelinin artmasıdır ki, hesabat dövründə bankın kredit portfeli 443 mln. manat təşkil edib. Bu da 2020-ci sonuna olan kredit portfeli ilə müqayisədə 2,5% artım deməkdir. Bank bu günədək olan ən yüksək rüblük gəlir nəticəsinə imza ataraq 2021-ci ilin I rübündə 18,6 mln. manat gəlir əldə edib. 2020-ci ilin analoji dövrü ilə müqayisədə bankın gəlirləri 21% artıb.

“Rabitəbank”ın verdiyi kreditlərdə də artım müşahidə olunur. Gündəlik biznes kreditlərinin verilməsi həcmi 14,5% artıb. İlin ilk rübündə kiçik və orta biznesin kredit portfelini 12%, mikrokreditləri isə 20% artırmağa müvəffəq olub. Qeyd edək ki, verilmiş kreditlərin 58%-i ölkə üçün əhəmiyyətli real sektorun kreditləşməsinə yönəldilib.

2021-ci il “Rabitəbank” üçün kart biznesi sahəsində də uğurlu başlanğıc olub. Ötən ilin sonundakı göstərici ilə müqayisədə kart sayları 11% artaraq 164 min təşkil edib. Keşbek kartı olan “Kartmane” debet kartının bu rüb ərzindəki satışı 40%-dən çox artıb. Bankın kart məhsulunun populyarlaşması nəticəsində bankın plastik kart sahəsindəki gəlirləri 2020-ci ilin analoji rübü ilə müqayisədə 56% artıb.

Bütün bank xidmətlərini sürətlə rəqəmsal sahədə də genişləndirən “Rabitəbank”ın mobil tətbiqi “Rabita Mobile”ın yükləmə sayı 27.2% artaraq 121 minə çatıb. Bu rüb ötən ilin sonu ilə müqayisədə bankın mobil əlavəsi vasitəsilə aparılan kartla əməliyyat dövriyyəsi məbləğ olaraq 73%, say olaraq isə 65 % artıb.

“Rabitəbank” ASC, Azərbaycanın 16 regionu və Bakı şəhərində 27 xidmət məntəqəsi və 73 ATM-i, “Rabita Mobile” tətbiqi, İnternet Bankçılıq platforması və “RabitaBot” çatbotu, 133 nömrəli Çağrı Mərkəzi ilə müştərilərin xidmətindədir.

#
#

ƏMƏLİYYAT İCRA OLUNUR