Rusiyanın Saratov vilayətində Lısoqorski rayonunun Kaspi-Don-Tambov-Volqoqrad-Astraxan magistral yolunun 692-ci kilometrliyində ağır yol-nəqliyyat hadisəsi baş verib.
APA RİA Novosti-yə istinadən xəbər verir ki, bu barədə Regional Yol Polisi İdarəsi məlumat yayıb.
İlkin məlumatlara görə, 1977-ci il təvəllüdlü qadın sürücünün idarə etdiyi “Ford Focus” markalı avtomobillə 1971-ci il təvəllüdlü sürücünün idarə etdiyi “Skoda Octavia” markalı avtomobil toqquşub.
Qəza nəticəsində "Skoda"nın sürücüsü və 1986-cı il təvəllüdlü sərnişini aldığı xəsarətlərdən hadisə yerində ölüblər.
Müxtəlif dərəcəli bədən xəsarətləri alan "Ford"un sürücüsü və sərnişini isə xəstəxanaya yerləşdirilib.