Rusiyada iki nəfərin itkin düşdüyü neft şaxtasında yenidən yanğın başlayıb.
APA-nın TASS-a istinadən verdiyi xəbərə görə, yanğın 200 metr dərinlikdə qeydə alınıb.
Hələlik yanğının səbəbi müəyyən edilməyib.
Yanğının nəticələrinin aradan qaldırılması istiqamətində işlər davam etdirilir.
***
saat 10:48
Rusiyanın Komi respublikasında yerləşən neft şaxtasında yanğın baş verib.
APA-nın xəbərinə görə, bu barədə RİA Novosti agentliyi məlumat yayıb.
İlkin məlumata görə, hadisə zamanı şaxtada 45 nəfər olub ki, onlardan 33 nəfəri ərazidən çıxarılıb, 9 nəfər isə şaxtada təhlükəsiz ərazidədir.
Hadisə nəticəsində 3 nəfər fəhlə itkin düşüb, artıq onlardan bir nəfəri sağ tapılıb. Hazırda xilasedicilər tərəfindən itkin düşmüş 2 nəfərin axtarışı aparılır.
Qeyd olunub ki, yanğın iki min kvadratmetr sahədə lokallaşdırılıb.
Yanğının nəticələrinin aradan qaldırılması istiqamətində iş aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
