Ermənistan Baş naziri Nikol Paşinyanın mətbuat katibi Mane Gevorqyan tutduğu vəzifədən azad olunub.
APA-nın "Sputnik Armenia"ya istinadən verdiyi xəbərə görə, müvafiq qərarı Ermənistan Baş naziri Nikol Paşinyan imzalayıb.
Bildirilir ki, qərar “Dövlət qulluğu haqqında” qanunun 9-cu maddəsinin 10-cu bəndinə əsasən imzalanıb. Mane Gevorqyan "Facebook" səhifəsində öz ərizəsi ilə vəzifəsindən azad edildiyini açıqlayıb. O, Baş nazirə və hökumət aparatına təşəkkür edib.
Qeyd edək ki, Mane Gevorqyan bu vəzifəyə 2020-ci ilin martında təyin olunmuşdu.