Qazaxıstanın Fövqəladə Hallar Nazirliyi partlayışla bağlı məlumat yayıb.
Məlumatda bildirilir ki, hadisə baş verən zaman kafe bağlı olub. İkimərtəbəli bina tamamilə dağılsa da, xəsarət alan olmayıb.
***
22.04
Qazaxıstanın Səhiyyə Nazirliyi də hadisə ilə bağlı açıqlama yayıb.
Açıqlamada deyilir: “Manqistau vilayəti yaşıl zonada, yəni koronavirusa yoluxma riskinin aşağı olduğu ərazidə yerləşir. Burada kafelər qanuni şəkildə fəaliyyət göstərə və müştəri qəbul edə bilər”.
***
21.36
Manqistau vilayətinin Fövqəladə Hallar Departamentinin yaydığı məlumatda deyilir: “Naməlum səbəblərdən baş verən partlayış nəticəsində bina tamamilə dağılıb. Zərərçəkənlər barədə məlumat daxil olmayıb. Hadisənin səbəbləri araşdırılır”.
***
21.25
Qazaxıstanın Aktau şəhərində kafedə partlayış baş verib.
APA-nın xəbərinə görə, partlayışın gücündən kafe tamamilə dağılıb. Zərərçəkənlər barədə məlumat yoxdur. Hadisə yerində xilasedicilər işləyir.