Gürcü politoloqu prezident seçkilərinin ikinci tura qalacağını proqnozlaşdırır
13 noyabr 2007 14:25 (UTC +04:00)
“Gürcüstanda gələn il yanvarın 5-də keçiriləcək prezident seçkilərinin nəticəsini proqnozlaşdırmaq mümkün deyil”. APA-nın Gürcüstan bürosunun xəbərinə görə, bunu politoloq Ramaz Sakverelidze deyib. O, indiki prezident Mixail Saakaşvili ilə müxalifətin şansının eyni olduğunu bildirib: “Müxalifətin qələbə şansı var. Hazırda Mixail Saakaşvili ilə müxalifəti təmsil edən fiqurların reytinqi praktik olaraq eynidir. Prezidentlik uğrunda əsl mübarizə ikinci turda gedəcək”. Politoloqun fikrincə, ikinci turda seçicilərin səsləri yalnız iki namizəd arasında bölünəcəyi üçün bütün hakimiyyət əleyhdarları müxalifətin namizədini dəstəkləyəcək: “Bu fiqur odioz olmasa və seçkiqabağı proqramı effektli hazırlansa, onun qalib gəlmək şansı yüksəkdir”. R. Sakverelidze noyabr hadisələrindən sonra Mixail Saakaşvilinin reytinqinin aşağı düşdüyünü, indiki prezidentin seçkilərdə 50 faiz səs almasının çox çətin olacağını söyləyib: “Ancaq nəzərə almaq lazımdır ki, Mixail Saakaşvili gözəl “siyasi güləşçi”dir. Mən onun öz reytinqini yüksəltmək üçün qeyri-adi və effektli addım atacağını istisna etmirəm”. /APA/
MDB
Moskvanın mərkəzində 9 may günü spirtli içkilərin satışı məhdudlaşdırılacaq
23:02
26 aprel 2024
Rusiya XİN Mərkəzi Asiyadan gələn miqrantların hüquqi normalara riayət edəcəyinə ümid edir
20:52
26 aprel 2024
Zelenski Silahlı Qüvvələrin Dəstək Qrupunun komandanını vəzifəsindən azad edib
19:33
26 aprel 2024
Putin Bakıda doğulan şəxsin yenidən Peterburqun qubernatoru vəzifəsinə namizədliyini dəstəkləyib
19:15
26 aprel 2024