ABŞ-ın İllinoys ştatının Şərqi Sent-Luis şəhərində silahlı insident baş verib.
APA yerli “NBC” kanalına istinadən xəbər verir ki, polisə hadisə nəticəsində 12 yaralının olduğu bildirilib.
Lakin hadisə yerinə gələn polis atışma nəticəsində hələlik 6 nəfərin yaralandığını təsdiqləyib.
Yaralıların dəqiq sayı və hadisənin səbəbi məlum deyil.
Polisin dediyinə görə, həmin ərazidə metro qatarı ilə minik avtomobili də toqquşub. Hüquq-mühafizə orqanları bu hadisənin atışma ilə əlaqəli olub-olmadığını araşdırır.
Polis hadisənin törədilməsində şübhəli bilinən 6 nəfəri axtarır.