İqtisadiyyat Nazirliyi yanında Əmlak Məsələləri Dövlət Xidməti tərəfindən 30 noyabr və 2 dekabr tarixlərində özəlləşdirmə hərracları təşkil ediləcək.
İqtisadiyyat Nazirliyindən "APA-Economics"ə verilən məlumata görə, "Ceyranbatan Dəmir Beton" ASC-nin dövlətə məxsus səhmləri dekabrın 2-si hərraca çıxarılacaq.
Noyabrın 30-u keçiriləcək hərracda isə 12 kiçik dövlət müəssisəsi, 2 qeyri-yaşayış binası və yarımçıq tikili çıxarılacaq.
Özəlləşdirməyə çıxarılan dövlət əmlakının tam siyahısı ilə Xidməti rəsmi saytından tanış olmaq olar.