Azərbaycan İqtisadiyyat Nazirliyi yanında Əmlak Məsələləri Dövlət Xidməti tərəfindən təşkil olunan növbəti hərracda 50 dövlət əmlakı özəlləşdirilib.
Nazirlikdən "APA-Economics"ə verilən məlumata görə, bunlardan 3-ü səhmdar cəmiyyətinin səhmləri, 1-i kiçik dövlət müəssisəsidir.
Özəlləşdirilən dövlət əmlakının siyahısı ilə Xidməti rəsmi səhifəsindən tanış olmaq olar.
Qeyd edək ki, cari ilin ilk 4 ayında ümumilikdə 20 hərrac təşkil edilib. Hərraclarda 5 səhmdar cəmiyyəti və 17 kiçik dövlət müəssisəsi özəlləşdirilib.