ABŞ-ın bank nəhəngi "Bank of America" 2022-ci ilin ortalarında "Brent" markalı neftin qiyməti ilə bağlı proqnozunu yüksəldib.
"APA-Economics"in məlumatına görə, bu barədə "Bloomberg" "Bank of America"ya istinadən xəbər verir.
Bankın proqnozuna görə, gələn ilin iyun ayının sonuna "Brent"in 1 barelinin qiyməti 120 ABŞ dollarınadək yüksələ bilər.
Qeyd olunur ki, qlobal enerji böhranı bütün dünyada qaz və kömür qiymətlərini artıraraq, London və Nyu-York birjalarında etalon neft fyuçerslərinin əvvəlki zirvələrinə qalxmasını sürətləndirib.
Bankın proqnozlarına görə, dizel və təyyarə yanacağı ilə birlikdə benzinə artan tələbat, emal gücü məhdudiyyətləri ilə birlikdə 2022-ci ildə neftin qiymətinin artımını daha da sürətləndirə bilər.
Qeyd edək ki, bu gün Bakı vaxtı ilə saat 10:55-ə olan məlumata görə, ICE London qitələrarası birjasında keçirilən ticarət əməliyyatlarının gedişində "Brent" neftinin ixracına dair 2022-ci ilin yanvar müqaviləsinin dəyəri 0,51% artaraq 1 barelə görə 85,14 dollar təşkil edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
