"OPEC+" nazirləri yeni "Omikron" ştammının neft bazarına təsirini qiymətləndirmək üçün monitorinq qruplarının iclaslarını ikigünlük təxirə salıblar.
"APA-Economics"in məlumatına görə, bu barədə TASS-a nümayəndə heyətlərindəki iki mənbə bildirib.
Onların sözlərinə görə, texniki monitorinq komitəsinin əvvəlcə noyabrın 29-na təyin edilmiş iclası dekabrın 1-də Bakı vaxtı ilə saat 19:00-da baş tutacaq. Texniki komitənin ekspertləri ənənəvi olaraq qarşıdakı aylar üçün neft bazarının inkişafı ssenariləri ilə hesabat hazırlayır. Onun əsasında nazirlərin monitorinq komitəsi "OPEC+" ölkələrinə neft bazarında fəaliyyətlə bağlı bu və ya digər tövsiyələr verə bilər. Nazirlərin monitorinqinin iclası dekabrın 2-də Bakı vaxtı ilə saat 16:00-a təyin edilib.
Eyni zamanda, OPEC ölkələrinin nazirlərinin görüşü dekabrın 1-də, əvvəllər planlaşdırıldığı kimi, Bakı vaxtı ilə saat 17:00-da baş tutacaq. Nəhayət, "OPEC+" nazirlərinin yekun iclası dekabrın 2-də Bakı vaxtı ilə saat 17:00-a planlaşdırılıb.
"Yeni gərginliyin bazarın vəziyyətinə necə təsir edəcəyini qiymətləndirmək məqsədilə daha çox vaxt almaq üçün görüşləri təxirə salmaq qərarına gəldik", - mənbə bildirib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
