"Sberbank" 2050-ci il üçün Rusiyanın "Urals" markalı ixrac neftinin bir barelinin qiyməti 26 ABŞ dolları təşkil edəcək.
"APA-Economics"in TASS-a istinadən verdiyi məlumata görə, bu barədə "Sberbank"ın İdarə Heyətinin sədri German Qref bildirib.
O bildirib ki, "Sberbank" "Urals" markalı neftin qiymətinin 2050-ci il üçün 3 dəfə azalaraq 26 dollar təşkil edəcəyini proqnozlaşdırır.
"Təxmini hesablarımız – bu gün hökumətə təqdim etdik – deyərdim ki, çox ciddi görünür. Olduqca böyük narahatlıq yaradır. Xüsusilə "Urals" neftinin qiyməti. 77 dollar baza qiymətindən 2050-ci il üçün üç dəfə azalaraq bir bareli 26 dollara düşəcək. Qazın qiyməti iki dəfə azalacaq", - Qref vurğulayıb.
Xatırladaq ki, hazırda sözügedən markalı neft 75 dollar ətrafında ticarət olunur.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
