Bakı şəhəri üzrə Təhsil İdarəsinin müdiri Mehriban Vəliyeva buster doza vaksinasiya ilə bağlı məsələyə münasibət bildirib.
APA-nın məlumatına görə, İdarə müdiri jurnalistlərə açıqlamasında bildirib ki, Nazirlər Kabinetinin qərarı və Təhsil Nazirliyinin müəyyən tapşırıqları ilə yerlərdə üçüncü doza vaksinasiyaya başlanılıb: "Bu gün üçün üçüncü doza vaksin olunan müəllimlərin konkret sayı məlum olmasa da, onlar prosesdə fəal iştirak edirlər. İnanıram ki, bu çətin şəraitdən keçib pandemiyaya qalib gələ biləcəyik".