Rusiya Ermənistan-Azərbaycan sərhədindəki silahlı insidentlərdən narahatdır 

Rusiya XİN

© APA | Rusiya XİN

# 05 avqust 2021 17:30 (UTC +04:00)

Rusiya Ermənistan-Azərbaycan sərhədindəki silahlı insidentlərdən narahatdır. Bu insidentlərin hər iki tərəfdən insan itkisi ilə müşayiət olunması xüsusi həyəcan doğurur.

APA-nın Moskva müxbirinin verdiyi məlumata görə, bunu Rusiya Xarici İşlər Nazirliyinin informasiya və mətbuat departamentinin direktor müavini Aleksandr Bikantov bu gün keçirdiyi brifinqdə bildirib.

Rusiya XİN rəsmisi Ermənistan-Azərbaycan sərhədində baş verən bütün məsələlərin istisnasız olaraq sülh və siyasi-diplomatik yolla həll olunmasının vacibliyini vurğulayıb: “Rusiya bundan sonra da Ermənistan-Azərbaycan sərhədində vəziyyətin normallaşması prosesinə, o cümlədən sərhədlərin delimitasiyasi və demarkasiyası ilə bağlı birgə işin başlanmasına öz töhfəsini verməyə hazırdır. Bu, Cənubi Qafqazın stabil regiona çevrilməsinə kömək edəcək”.

#
#

ƏMƏLİYYAT İCRA OLUNUR