Bakı-APA. İsrailin hökumət komissiyası 26 fələstinli məhbusların azadlığa buraxılmasına dair qərarı təsdiqləyib. APA-nın “İTAR-TASS”a istinadən verdiyi xəbərə görə, bu barədə İsrailin baş nazirinin dəftərxanasının yaydığı rəsmi açıqlamasında bildirilir.
Sənəddə qeyd olunur ki, azadlığa çıxacaq fələstinlilərin hamısı İsrail həbsxanalarında 18-28 il cəza çəkib. Komissiya fələstinli məhbusların üçüncü qrupunun azadlığa buraxılmasına dair qərarı dekabrın 28-i gecə saatlarında təsdiqləyib.
Fələstinli məhbusların dekabrın 30-da azadlığa buraxılacağı gözlənilir.
Qeyd edək ki, İsrail tərəfi 4 mərhələdə, ümumilikdə, 104 fələstinlini azad edəcəyini bəyan etmişdi.
Xatırladaq ki, 26 fələstinlidən ibarət məhbusların birinci qrupu avqustun ortalarında, ikinci qrupu isə oktyabrın sonlarında zadlığa buraxılıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
