Şirvan. Əlibəy Zeynallı - APA. Dövlət Gömrük Komitəsinin (DGK) sədri Aydın Əliyev Şirvan şəhərində vətəndaşların qəbulunu keçirib.
APA-nın Mil-Muğan bürosunun məlumatına görə, DGK sədri A.Əliyev Şirvanda keçirilən görüşdə Kürdəmir, Ağsu, Şamaxı, Zərdab, Saatlı, Sabirabad, Hacıqabul rayonlarından və Şirvan şəhərindən olan vətəndaşları qəbul edib. Qəbul zamanı vətəndaşların gömrük problemləri ilə əlaqədar şikayətlər, işə qəbul və gömrük proseduralarına dair təkliflər Komitə sədri tərəfindən dinlənilib. Bəzi məsələlərin yerində həll olunması, digər məsələlərin isə aidiyyəti qurumlara göndərilməsi üçün göstəriş verilib.