Bakı. Real Cəfərli - APA. İran xarici işlər naziri ilə BMT baş katibi arasında telefon danışığı olub.
APA-nın “Fars” xəbər agentliyinə istinadən məlumatına görə, tərəflər Suriya məsələsi ilə bağlı fikir mübadiləsi aparıblar.
Məhəmməd Cavad Zərif Suriyada kimyəvi silahlardan istifadə edilməsini pisləyərək, bu ölkəyə qarşı hərbi müdaxilənin doğuracağı təhlükələrdən danışıb: “Suriyaya hərbi müdaxilə geniş və idarəsi çox çətin acı nəticələrə səbəb ola bilər”. İran XİN rəhbəri həmçinin Suriya böhranının aradan qaldırılması üçün güc tətbiqinə müraciət edilməsini yersiz cəhd kimi qiymətləndirib: “Suriya böhranının sülh yolu ilə həlli üçün İran yardım göstərməyə hazırdır”.
Pan Gi Mun isə öz növbəsində Suriya böhranının aradan qaldırılması üçün siyasi həll yolunun tapılmasının zəruri olduğunu bildirib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
