Bakı - APA. Bu gün Azərbaycan Milli Elmlər Akademiyasının (AMEA) Riyaziyyat və Texniki Elmlər Bölməsi institut və təşkilatlarının 2013-cü il üçün hesabat iclası çərçivəsində Fizika İnstitutunun illik hesabatı dinlənilib.
APA-nın məlumatına görə, Fizika İnstitutunun direktoru Nazim Məmmədov deyib ki, bu il Fizika İnstitutunun Dissertasiya Şurasında 1 nəfər elmlər doktoru, 6 nəfər fəlsəfə doktoru alimlik dərəcəsi almaq üçün dissertasiya müdafiə edib.
Dissertasiya müdafiə edənlərdən 4 nəfər Fizika İnstitutunun əməkdaşıdır. İran İslam Respublikasının 2 vətəndaşı isə bu institutun Dissertasiya Şurasında fəlsəfə doktoru üzrə dissertasiya müdafiə edib.