Bakı – APA. Pakistanda kinoteatrda törədilmiş partlayış nəticəsində 5 nəfər ölüb, 30 nəfər yaralanıb.
APA-nın “Associated Press”ə istinadən verdiyi məlumata görə, terror aktı Pişəvər şəhərində baş verib.
Partlayışın tamaşaçılardan birinin iki ədəd qumbaranı işə salmasından sonra baş verdiyi bildirilir.
Hələlik partlayışa görə heç bir qruplaşma məsuliyyəti öz üzərinə götürməyib.