Bakı. Real Cəfərli – APA. İran qazının Türkiyə vasitəsilə Avropa ölkərinə ixracı və tranziti üçün rəsmi Tehranla Ankara arasında danışıqlar başlayıb.
APA-nın “Mehr” xəbər agentliyinə istinadən məlumatına görə, bu barədə İran Milli Qaz Şirkətinin rəhbəri Cavad Oci açıqlama verib.
İran neft nazirinin müavini deyib ki, hazırda tərəflər arasında tranzit haqqı müəyyənləşdirilir: “İran “mavi yanacağ”ını Türkiyəyə ötürəcək, İran qazına ehtiyac duyan ölkələr də onu Türkiyədən ala bilərlər. İlkin mərhələdə ildə 2 mlrd. kubmetr qazın Türkiyəyə nəqli nəzərdə tutulur”.