Xarici siyasət

Ana səhifə

Xarici siyasət

İran xarici işlər nazirinin müavini ilə görüşdə Azərbaycan şairlərinin həbsdən azad edilməsi tələb olunub

25 avqust 2012 14:54 (UTC +04:00)

Bakı. Viktoriya Dementyeva – APA. «Azərbaycan vətəndaşlarına qarşı heç bir əsası olmayan uydurma ittihamlar dövlətlərarası münasibətlərdə etimad kontekstində ciddi görünmür». Xarici İşlər Nazirliyinin mətbuat xidmətindən APA-ya verilən məlumata görə, bunu Azərbaycan xarici işlər nazirinin müavini Xələf Xələfov İran xarici işlər nazirinin müavini Seyid Abbas Əraqçı ilə görüşünü şərh edərkən bildirib.

X. Xələfov qeyd edib ki, Azərbaycan vətəndaşlarının uydurma ittihamla həbs edilməsi məsələsi S. A. Əraqçı ilə görüşündə ciddi şəkildə qaldırılıb. “Azərbaycan vətəndaşlarına qarşı əsassız və sübutu olmayan ittihamlar qəbul edilməzdir və iki ölkə arasında münasibətlərinə ciddi zərbə vurur”.

X. Xələfov qeyd edib ki, görüş zamanı vətəndaşlarımızın azad olunması tələbi irəli sürülüb. “İran tərəfi də razılaşdı ki, bu məsələ iki ölkə arasında münasibəti qıcıqlandırıcı amildir və tezliklə onun həlli tapmalıdır”, - X. Xələfov bildirib.