Gürcüstanda azərbaycanlıların kompakt yaşadıqları ərazilərdə Qurban bayramı ilə əlaqədar tədbirlər keçirilib
26 oktyabr 2012 15:00 (UTC +04:00)
Gürcüstan. Nizami Məmmədzadə-APA. Gürcüstanda azərbaycanlıların kompakt yaşadıqları ərazilərdə Qurban bayramı ilə əlaqədar tədbirlər keçirilib. APA-nın Gürcüstan bürosunun məlumatına görə, tədbirlər Borçalı İctimai Cəmiyyəti və Fransa-Türk Federasiyasının birgə təşkilatçılığı ilə baş tutub. Borçalı Cəmiyyətinin sədri Zəlimxan Məmmədli azərbaycanlıların kompakt məskunlaşdığı ərazilərdə Qurban bayramı münasibətilə tədbirlər keçirildiyini, kəsilən qurbanların imkansız ailələrə paylandığını deyib: “Qaraçöp, Qarayazı, Dmanisi, Bolnisi və Marneuli bölgələrində qurbanlar kəsilib. Bu gün bayramı Msxeta rayonunun azərbaycanlılar yaşayan kəndlərində yekunlaşdıracağıq. Tədbirlərin maliyyə dəstəyini Fransa-Türkiyə Federasiyası həyata keçirir. Biz gələn il də Gürcüstanda soydaşlarımız yaşayan bölgələrdə Qurban bayramı tədbirlərində geniş şəkildə iştirak etmək niyyətindəyik”.
Sosial
FHN-in Gəncə Regional Mərkəzi nümunəvi mülki müdafiə məşqləri keçirib
13:09
4 may 2024
Beynəlxalq səyyahlar Cəbrayılda minaların zərərsizləşdirilməsi prosesini izləyiblər - FOTO - YENİLƏNİB - VİDEO
11:54
4 may 2024
Yeni ixtisas üzrə təhsil müəssisəsində ilk dəfə tədrisə başlanılması qaydaları açıqlanıb
11:48
4 may 2024
Norveçli səyyah: Qarabağda dağıntılardan sonra yaşayış yerlərinin necə sürətlə ucaldığını gördüm
11:46
4 may 2024