Futbol

Ana səhifə

Futbol

Radoyko Avramoviç: “Azərbaycanla matçın FİFA “pəncərəsi”ndə olmamağının əziyyətini çəkirik”

21 fevral 2012 09:02 (UTC +04:00)

Bakı – APA. “Azərbaycanla yoxlama oyununda bir sıra futbolçuları sınamağı planlaşdırmışdım. Amma həmin qarşılaşma fevralın 24-də, FİFA “pəncərəsi” olmayan vaxtda keçirilir”. Apasport.az saytının məlumatına görə, bu sözləri Sinqapur millisinin baş məşqçisi Radoyko Avramoviç deyib.

Serbiyalı mütəxəssis fevralın 24-də yığmamızla keçiriləcək yoxlama oyununu daha çox yeni futbolçuları sınamaq istəyinin gerçəkləşməyəcəyinə üzülür: “Biz də bunun əziyyətini çəkirik. Bəzi klublar belə vaxtda futbolçularını yığmaya buraxmırlar. Belə alınır ki, Azərbaycanla qarşılaşmada əksər futbolçular 90 dəqiqə oynayacaq. Ümid edirəm ki, həmin görüşdə zədələnən, bizə əlavə problem yaradan olmayacaq”.

Qeyd edək ki, Azərbaycan – Sinqapur oyunu Birləşmiş Ərəb Əmirliklərinin Dubay şəhərində keçiriləcək.