Bakı - APA-Economics. ABŞ-ın Federal Ehtiyatlar Sisteminin (FED) Açıq Bazar Əməliyyatları üzrə Komitəsinin (FOMC) iyunda baş tutan iclasından sonra iyun ayında əmək bazarında müsbət tendensiya müşahidə olunub, iqtisadi aktivlik isə mülayim artım nümayiş etdirib.
"APA-Economics" xəbər verir ki, bu barədə FOMC-un iki günlük iclasının yekunlarına dair açıqlamasında bildirilir.
Bildirilir ki, iyun ayında məşğulluğun artması olduqca yüksək olub, bundan başqa, təsərrüfat subyektlərinin xərcləri artıb. "İnflyasiya 2% səviyyəsindən aşağı olaraq qalır ki, bu da energetika sahəsində qiymət azalması ilə bağlıdır", - deyə açıqlamada bildirilir.
FOMC-un gözləntilərinə görə, pul-kredit siyasətinin tədricən korreksiya olunması iqtisadi aktivliyi artıracaq, əmək bazarı isə güclənəcək.
"Qısamüddətli perspektivdə inflyasiya aşağı səviyyədə qalacaq, ortamüddətli perspektivdə isə 2%-dək artacaq", - deyə açıqlamada bildirilir.
FOMC əlavə edib ki, iqtisadiyyat üçün qısamüddətli risklər azalıb.
SAAT 22:00
Bakı - APA-Economics. Bu gün ABŞ-ın Federal Ehtiyatlar Sisteminin (FED) Açıq Bazar Əməliyyatları üzrə Komitəsinin (FOMC) iki gün davam edən iclası yekunlaşıb.
"APA-Economics" xəbər verir ki, proqnozlaşdırıldığı kimi, FED uçot dərəcəsini dəyişməyərək 0,25-0,5% səviyyəsində saxlayıb.
Qeyd edək ki, ötən ilin dekabrın 16-da FED uçot dərəcəsinin baza faiz dərəcəsini illik 0-0,25% rekord aşağı səviyyə ilə 0,25% artırıb. Bundan sonra keçirilən iclaslarda uçot dərəcəsi dəyişdirilməyib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
