Qəbələ. Elvin Yaqubov-APA. Rusiya Federasiyasının Stavropol vilayətinin Kislovodsk şəhəri ilə Azərbaycanın Qəbələ şəhəri arasında bir çox sahələrdə əməkdaşlıq əlaqələrinin qurulması məqsədilə protokol imzalanıb.
APA-nın yerli bürosunun xəbərinə görə, bu münasibətlə Qəbələ rayon İcra Hakimiyyətinin başçısı Səbuhi Abdullayev Kislovodsk şəhərinə səfər edib. S. Abdullayev əvvəlcə Kislovodskda təşkil edilən “Şəhər günü” adlı bayram şənliklərində iştirak edib. Sonra onun Kislovodsk şəhər administrasiyasının inzibati binasında şəhər rəhbərliyi ilə görüşü olub.
Görüşdə Qəbələ ilə Kislovodsk arasında kənd təsərrüfatı, sənaye, mədəniyyət və turizm sahəsində əməkdaşlıq əlaqələrinin qurulması və qardaşlaşma barədə niyyət protokolu imzalanıb. Protokolu Kislovodsk şəhəri administrasiyasının başçısı Aleksandr Kurbatov və Qəbələ rayon İcra Hakimiyyətinin başçısı Səbuhi Abdullayev imzalayıb.
Qəbələ rayonunun nümayəndə heyətinin üzvləri səfər çərçivəsində Kislovodsk şəhərinin sənaye və sanatoriya-kurort komplekslərinin fəaliyyəti ilə yaxından tanış olublar.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
