Bakı. Vüsal Nəbiyev - APA-Economics. Bu ilin yanvar-may aylarında dəniz nəqliyyatında daşınan yüklərin həcmi 3,1 mln. ton təşkil edib.
Dövlət Statistika Komitəsindən "APA-Economics"ə verilən məlumata görə, yüklərin 71,2%-i neft yükləri, 28,8%-i isə quru yüklər təşkil edib və bütün daşımalar xarici əlaqə üzrə həyata keçirilib.
Bu ilin müvafiq dövrü ərzində dəniz limanlarında 4,2 mln. ton yükləmə-boşaltma işləri həyata keçirilib. İşlənmiş yüklərin 94,5%-i beynəlxalq tranzit yüklər təşkil edib.
Qeyd edək ki, bu il iyun ayının 1-ə limanlarda göndərilmək üçün 56,8 min ton idxal yüklərin qalığı olub.